Prins Quinten d’n ierste & Prinses Joëlle d’n ierste
Prins Quinten en Prinses Joëlle
2017 Quinten d’n ierste & Joëlle d’n ierste
Quinten Ridder & Joëlle Becks
Aofgeloupe zoondag,12 fibberwarie, is in eus gemeinsjapshoes “de Klaekeburg”, oonder en mèt groete belangstèlling vaan versjèllende zustervereiniginge. `t prinseköppelke 2017 vaan CV. de KIKKERS oetgerope.
Zjus wie ut volk vaan Heugem en Randwieck waore ouch CV. de Waterratte, mèt hunne Hoeglöstegheid Prins Harry 1e en Prinses Marij in hun midde, getuige vaan dit benkelek momint. Zie woorte tósse de ‘Heugemse Maffia’ oetgehaold um es…..
Prins “QUINTEN 1e” proclemasie
Graof vaan de Meendaal, lienhier vaan ‘OBS De Kring’, besjermhier vaan de RKHSV-jäög en trommeleers vaan de hermenie en GROET conservator vaan alles wat mèt us MVV’ke te make heet mèt
Prinses “JOËLLE “ proclemasie
Graovin vaan de Termileslaon, hittepetit vaan SBO sjaol St. Bernardus / Gulpen; “Besjermvruiwke” vaan de hiphop dansers vaan “SWITCH en de voetbalmeidskes vaan RKHSV woorte oetgerope üm es zoedaoneg de jäög vaan Heugem / Randwieck en wied dao boete, veur zalle goon in de Vastelaovend vaan 2017.
Prins Quinten Ridder, gebore 22 maart 2007 in Mestreech.
Quinten woent mèt zien pap (Marcel)en mam ( Tiara) vaanaof zien geboorte in De Heeg aon de Meendaal.
Heer zit aoch in De Heeg op sjaol, op OBS De Kring, in groep 6.
Quinten is al vaanaof de minipupille lid vaan de voetbalclub RKHSV.
Heer waor dao iers middevelder; sinds voetbalseizoen 2016/2017 is heer bij zien team (JO11-2) keeper gewore en dat deit heer mèt hiel väöl euvergaaf en plezeer. Sinds 2 jaor volg Quinten drumlès bij de drumband vaan de Heugemse Harmonie St. Michel. ‘n paar maond geleije móg heer “officieel” lid weure vaan dizze drumband en heer maag straks veur de ierste kier mètspeule bij t nuijaorskonzèr.
Quinten is weijer hiel groet supporter vaan us MVV’ke. Edere thoeswedstrijd is heer vaan de partij mèt supportersvlagge en al.
Thoes loert heer alle filmkes die mer get mèt MVV te make höbbe.
Quinten is al vaan kleins aof aon ‘nne groete carnavalsvierder; dao höbbe pap en mam neet väöl veur hove te doen, t zaot d’r gewoen al in. Mer heer heet ‘t daan aoch neet vaan vreemde! In de kinderkojts ging heer al mèt de stad in en vaanaof dat heer kós laope leep heer al mèt prinse-scepters väörop in de rijaloets, of ‘t noe waor bij zien sjaolcarnaval, in de stad of in de Klaek. Boe carnaval is, is Quinten!
Wäördsje vaan de redactie
Ut is hiel speciaol um te melle dat de Pap vaan eus prinske in 1988 es “Prins Marcel 1e “ en de mam vaan eus Prinseske in 1989 es “Prinses Anke” de keender vaan Heugem-Randwieck bij de Kikkers zien veurgegaange in de Vastelaovend!
Prinses “JOËLLE ” is 11 jaor en zit op de SBO St.Bernardus / Gulpen.
Häör hobbie`s: Hiphop danse bij dans-studio “Switch” boemèt zie al stad en land heet aofgerije mèt häör mam es sjeväör. `t Is daan ouch neet raar dat zie hiel väöl op de IPad musically späölt < dans en playback app> Voetballe deit zie ouch bij RKHSV zjus boe häör mam Anke vreuger ouch is begonne. Blauw is de levelingskleur. In ut börgelek leve luustert zie nao de naom Joëlle Becks en woent met häör mam en pap ( Anke & Jordy ) , breurke Mick en zösterke Lucca in de Termileslaon.
Vleugelkes
Vleugelkes
Lyrics
Refrein:
Mèt vastelaovend krijg iech weer vleugelkes,
’t Is daan zjus es-of iech vleeg.
En ederen aovend bringe miech die vleugelkes,
Nao alle heukskes vaan Mestreech.
Soms vleeg iech hei (hei!)… en daan weer dao (dao!)…
Soms vleeg iech de tössenoet.
Meh iech vleeg altied weer de Geis vaan Vastelaovend achternao!
Ja la la la la la la la
Kom sprei dien vleugels oet.
Ja la la la la la la la
En vleeg mèt miech drei daog drop oet.
Couplèt:
En vleeg iech hiel hoeg in de loch, zeen iech doezend lempkes blinke.
Hiel hoeg in de loch huur iech de hermeniekes klinke.
Iech vleeg daan gaw umlieg, um te danse hei mèt diech.
Iech gaon veurluipeg neet mie trök en zing hei vaan gelök.
Brögk:
En staon iech nao de Vastelaovend weer mèt twie bein op de groond,
Dink iech alweer aon koumend jaor, want daan vleeg iech hei weer roond!