Prins Valentijn d’n ierste & Prinses Alisha d’n ierste
2016 Valentijn d’n ierste & Alisha d’n ierste
Valentijn Willems & Alisha Willems
Aofgeloupe zoondag , 30 jannewarie, is in eus gemeinsjapshoes “de Klaekeburg” `t prinseköppelke 2016 vaan CV. de Kikkers oetgerope, oonder groete belangstèlling vaan versjèllende zustervereiniginge.
Ouch CV. De Waterratte, mèt hunne Hoeglöstegheid Prins Donny 1e en Prinses Sabrina in hun midde, waore bij dit benkelek momint aonwezeg. Zjus wie ut volk vaan Heugem en Randwieck waore zie allemaol vaan dit alles getuige wie “ZIE” es Prins “VALENTIJN 1e” “Graof vaan de Clavareaustraot”, “Lienhier vaan de Michaëlsjaol” en ”besjermhier vaan de “Euro Truckers” en “Prinses “ALISHA”, “Graovin vaan de “Clavareaustraot”, “besjermvruiwke” vaan de “Mestreechter Reddings Brigade” en hittepetit vaan “sbo De Opstap” woorte oetgerope en es zoedaoneg de jäög vaan Heugem/Randwieck en vaan wied dao boete, veur zölle goon in de Vastelaovend vaan 2016.
Prins Valentijn 1e proclemasie
is bekans 14 jaor en lierling oppe OPDC Sint Michael. Zien hobbie’s zien computeren (eurotruck), fotoos en filmpkes maake van sjiëke vrachwagele die heer dat deilt oppe snoetsebook. De vastelaovend zit in zien blood vanaof zien geboorte, ouch dit jaor is heer mit de vasteloavend jaorig. In ut burgelek leve luustert heer nao de naom Valentijn Willems
Prinses Alisha 1e proclemasie
is 12 jaor en lierling vaan gróp 8 op SBO De Opstap.
Häör hobbie’s zien o.a. danse en leze.
Zwumme deit zie beij de Mestreechse reddende brigade en good ouch, zie is noe bezig met häör diploom 3.
Daobeij zingk en trejt zie hiel gere op.
Ouch zie heet de vastelaovend in häör blood, zie is gebore op de ellefde vaan de ellefde.
In ut burgelek leve is zie Alisha Willems.
Confetti
Confetti
Lyrics
Refrein:
Iech höb confetti in mie blood
De dreikwaartsmaot in miene voot
’n Dikke zjiem trèk door mien oere
Iech höb e roed geel greun gemood
Dee vastelaovend deit miech good
En miene rikketik dee drejt op volle toere
Zoe gaon iech drei daog laank op weeg
Mèt gans ’t volk vaan Mestreech
Couplèt:
Iech mós lès bij d’n dokter zien iech voolt miech nog al gek
’t Razelde miech vaan mien veuj tot bove in de nek
Heer vroog miech zus heer vroog miech zoe heer duide hei en dao
En nao e paar menute had heer al e antwoord klaor
Heer zag: “Iech weit wat geer mankeert,’t weurt ins tied tot geer uuch drei daog ammezeert !”