2019 Mick d`n ierste & ivanna d’n ierste

Mick Becks & Ivanna Delissen

Aofgeloupe zoondag,17 fibberwarie, is in eus gemeinsjapshoes “de Klaekeburg”, oonder en mèt groete belangstèlling vaan versjèllende zustervereiniginge. `t prinseköppelke 2019 vaan CV. de Kikkers oetgerope.

Zjus wie  ut volk vaan Heugem en Randwyck waore ouch  CV. de Waterratte, mèt hunne Hoeglöstegheid Prins Maikel 1^e  in hun midde, getuige vaan dit benkelek momint. Zie woorte nao ut wegtrekke vaan de kroetdampe tösse de Fortnite speule oetgehaold  um toen es…..

Prins “MICK 1^e” proclemasie

Graof vaan de Termileslaon, lienhier vaan ‘Kindcentrum Anne Frank’, besjermhier vaan de RKHSV-jäög jo11-1

Prinses “IVANA “ proclemasie

Graovin vaan de Plantagobeemd, hittepetit vaan `SBO De Talententuin`  “Besjermvruiwke” vaan de voetbalmeidskes vaan RKHSV meh speciaol de speulers vaan jo9-3,

woorte oetgerope um es zoedaoneg de jäög vaan Heugem/ Randwyck en wied dao boete, veur zalle goon in de Vastelaovend vaan 2019.

Prins “MICK 1^e“  is 10 jaor en zit in gróp 6 vaan Kindcentrum Anne Frank. Zien hobbie`s: voetballe bij RKHSV jo11-1. Gamen, fifa en fortnite in `t bizunder. Es echte Sjeng is heer ouch regelmaoteg  in de Geuselt aonwezeg. Wijer is Liverpool z`n favoriete Ingels club. Pizza’s, frites mèt `ne viandel en spinazi  is  ziene favoriete levelingskos! Heer luustert nao de naom Mick Becks en woent mèt zien pap, mam (Jordy & Anke), zien zösse Joëlle en Lucca in de Termileslaon. Zien hoesbies (kat) heit Skye. Sociaol en zörgzaom zien is häöm neet  vreemp en vind heer gans gewoen en normaal.

Prinses Ivana Dilissen

weurt 10 jaor en zit op de SBO “De Talententuin”, oonderdeil vaan sjaole gemeinsjap Mosa Lira, in gróp 6. Häöre groete hobbie is voetballe, zie späölt bij RKHSV en is dao kieper bij de jo9-3. Favoriete voetbalclubs, boete RKHSV, zien MVV en Ajax. Veur Pizza en/of frite mage ze häör waker make. Neet mèt voetballe bezeg ….daan zien fèlmkes loere en teikene aander bezeghede. In ut börgelek leve luustert zie nao de naom Ivana Delissen woent met häör pap en mam (Franco&Cindy), broor Mitchell en häör hoesbies (knien) Snuffy in de Plantagobeemd.